Skip to main content

Bideoteka

bideoaren irudia
Athleticek berdinketa besterik ez zuen lortu Granadan

2015-02-17

Granada 0-0 Athletic. Zuri-gorriek aukera ederra galdu zuten Los Carmenes futbol zelaian garaipena eskuratzeko. Azken ordu erdian gizon bat gehiagorekin jokatu zuten bilbotarrek, baina ez ziren Granada menperatzeko gai izan. Are gehiago, galtzetik gertu izan ziren. Gure mahaingurukideekin aztertu dugu zuri-gorrien egoera.

bideoaren irudia
Kolorez jantzi da Errenteria-Orereta inauterietan

2015-02-17

Tolosan ez ezik, Errenteria-Oreretan ere inauteriak ospatzen dituztela argi gelditu da. Ostegun gizenez eman zioten hasiera festei Oilarko, Asteme eta Katukok. Lehenago, ordea, Axeri dantzak girotu zituen herriko kaleak. Larunbatean, aldiz, kuadrilen jaitsiera eta konpartsen desfilea egin ziren. Bertan izan ginen herritarrekin batera giroa gertutik ezagutzen.

bideoaren irudia
Aizank! | Gazteak eta aisialdi ereduak

2015-02-17

Aizank! saioaren bigarren denboraldiari indartsu ekin diogu. Markina-Xemeingo Lea Artibai ikastetxeko gazteekin izan gara gazteek dituzten ohituren inguruan hitz egiten. Aisialdi ereduez aritu gara, hain zuzen ere. Bestalde, Donostiako Skakeitan taldearen entsegu lokalera hurbildu gara, eta "Orekariak" bigarren diskoaz ez ezik, orain arteko ibilbideaz galdetu diegu. Bukatzeko, "ZR IKSI?" atalean, ordea, Lea Artibai ikastetxea bisitatu dugu.

bideoaren irudia
Lea Artibai ikastetxea bisitatu dugu

2015-02-17

Lea Artibai Ikastetxea Markina-Xemeinen dago. Bere eskualdeko garapenarekin konprometitutako heziketa zentrua da eta horretarako bere lan jarduerak hezkuntza, innobazio aplikatua enpresekin, ekintzailetasuna eta internazionalizazioa dira. Horrez gain, Mondragon korporazioaren parte da eta Lanbiderekin ere elkarlana burutzen du. Aizank! saioaren lehen ataleko ZR IKSI atalean bertako ikasle zein irakasleen testigantzak bildu ditugu.

bideoaren irudia
"Irainik gabeko kirola...posible?" mahai-ingurua

2015-02-16

Antigua Luberri Bostak Guraso Elkartea Kirol Elkarteak antolatuta solasaldi interesgarria egin zuten otsailaren 4an. Irainek kirolean duten lekuaz hitz egiteko hainbat kirolari eta aditu bildu zituzten. Hala nola, Aitor Uriondo entrenatzailea, Rakel Delgado saskibaloi jokalari ohia, Gorka Elustondo eta Maialen Zelaia Realeko jokalariak, David Doblas Gipuzkoa Basketeko jokalaria eta Eli Pinedo Bera Bera eskubaloi taldeko jokalaria.

bideoaren irudia
Gazteek zer egin ohi dute ikastetxetik irtetean?

2015-02-16

Aizank! saioaren bigarren denboraldia aisialdi ereduen inguruan eztabaidatzen hasi dugu. Lea Artibai ikastetxeko gazteekin egon gara eta euren aisialdian zein ohitura dituzten galdetu diegu. Besteak beste, lokalen inguruan hausnartu dugu: gazteentzako aukera ona dira edota gainontzeko koadriletatik urruntzeko besterik ez dute balio?

 
 
Premium Drupal Themes by Adaptivethemes