Skip to main content

Bideoteka

Bideotekan bilatu
bideoaren irudia
Esatea Libre | Nafarroako Gobernuaren krisia

2014-03-05

Nafarroaren egoera izan dugu aztergai. Jada eman ditu ondorioak ikerketa batzordeak eta, orain, oposizioko alderdien txanda da. Gaia aztertzeko gurekin izan ditugu PSE-EEko kide Andoni Unzalu, EH Bilduko kide Niko Moreno, eta EAJko kide Aitor Olaizola. Horrez gain, Nafarroako hainbat alderdi eta eragileren hitzak ere bildu ahal izan ditugu.

bideoaren irudia
12 milioi euro kostatuko du denboraleak Gipuzkoan eragindako kalteak konpontzeak

2014-03-05

Eusko Jaurlaritzak aste honetako eta otsaileko denboraleek Gipuzkoan eragindako kalteen balorazioa egin du. Guztira, aurreikusitakoaren arabera, 12 milioi euro kostatuko du kalteak konpontzeak. Azken bi asteetan hainbat bilera tekniko egin dituzte herri kaltetuetan, balorazioa egin, eskumenak banatu eta konponketa lanak martxan jartzeko. Ana Oregi Ingurumen eta Lurralde politikako sailburuak azaldu duenez, lehentasuna arrantza eta kirol portuak erabilgarri egotea eta udarako hondartzak berreskuratzea da.

bideoaren irudia
Hiria kultur ekosistema gisa aztertuko dute Bilbon abiatu den Avignoneko foroan

2014-03-05

Hiria kultur ekosistema da. Baina zerk osatzen du kultur ekosistema bat? Eragile publiko eta pribatuek, erakundeek, espazioek, praktikek, herritarrek, bisitariek… Kezka horien inguruan arituko dira  gaur hasi den Avignoneko Foroan. Lehenengoz egingo da foroa Frantziako Avignon hiritik  kanpora. Hain zuzen, Bilboko Alhondigan izango da kulturaren gaineko pentsalari eta eragileen topaketa gaurtik igandera bitarte.

bideoaren irudia
Txapelpunk taldearen kantu berriak erritmo azkar eta biziz beterik datoz

2014-03-05

Txapelpunk-ek 15 urte beteko ditu Euskal Herriko bazterrak bustitzen Lekeitioko kresalaren laguntzarekin. Taldeak seigarren lana aurkeztu: ' Los mejores de los peores’. Hamalau kantu berri gaur egun gertatzen ari denaren argazkia islatzen dutenak. Bizi dugun egoera politiko eta sozialak bultzatuta bor-bor atera omen zaizkie hitzak.

bideoaren irudia
Berdintasunaren alde hilabete osorako ekintzak antolatu dituzte Donostian

2014-03-05

Donostiako Udalak, hiriko Emakume elkarteekin batera, martxoaren 8an ospatuko den Emakumeen Nazioarteko Eguna aldarrikatu nahi du. Naiara Sampedro Berdintasun zinegotziak adierazi du berdintasuna eraikitzen jarraitu behar dela eta aurrerapausu handiak eman diren arren, emakumeen aurkako jarrera sexistekin amaitu behar dela. Horretarako, hainbat ekimen prestatu dituzte, sufragisten, mugimendu feministaren eta pentsalarien lana aintzat hartuz.

bideoaren irudia
Hamaikak eta Pasaiako Udalak lankidetza hitzarmena sinatu dute

2014-03-05

Pasai Donibane, Pasai San Pedro, Pasai Antxo eta Trintxerpeko informazioak tarte bereziagoa izango du aurrerantzean, Hamaika telebistan. Bi aldeek egindako hitzarmenaren ondoren, Pasaian gertatzen denaren inguruko albisteak zabalduko ditu Hamaikak Euskal Herrira.