Skip to main content

Bideoteka

Bideotekan bilatu
bideoaren irudia
Skapa | Aratusteetan, kezka guztiak albo batera!

2014-02-26

Lehen atalean, ondokoak nabarmendu ditugu: Fausto antzezlana sesio elektronikoa da Pabellon 6 aretoa disko after antzoki bihurtuko duena. Ondoren zinema estreinaldiei begira jarri gara. Asteburuko proposamenei dagokienez hauxe gure eskaintza;asteburuan inauteriak, ihauteria edo aratusteak ospatuko ditugu, Badu Bada euskara ardatz duen erakusketa Bilbon da,  Gasteizen Euskal Herrian egindako filmak izango ditugu ikusgai,  Arrietan asteburuan egingo dute nekazal eta artisautza azoka eta Keuren musika berriz Hondarribian izango dugu entzungai.

bideoaren irudia
Ainhoa Etxaide: "EAJ-PSE akordioa izanda ere, gehiengo abertzaleak akordio zabalak lor ditzake"

2014-02-26

Gurean Gaur saioaren elkarrizketa atalean, Ainhoa Etxaide LABeko idazkari nagusia izan dugu. Berarekin gaurkotasun politiko eta ekonomiko errepasatu dugu.

bideoaren irudia
Esatea Libre | ETAren pauso berriaz

2014-02-26

ETAk armategiak indargabetzeari ekin ziola jakin genuen ostiralean. Horren ostean, Espainiako Auzitegi Nazionalak deklaratzera deitu zituen Nazioarteko Egiaztatze Batzordeko kideak. Hori izan dugu gaurkoan hizpide. Eta, horretarako, gurekin izan ditugu Ion Telleria (kazetaria), Jose Felix Azurmendi (kazetaria), Pili Kaltzada (kazetaria) eta Mikel Aizpuru (EHUko irakaslea).

bideoaren irudia
2020 arteko turismo plana aurkeztu dute

2014-02-26

Ekonomiaren Garapen eta Lehiakortasun sailburu Arantza Tapiak gaur goizean aurkeztu du Euskal Turismoaren Plan Estrategikoa, Eusko Jaurlaritzaren datozen urteetako garapen turistikoa gidatuko duena. Planaren osaketak izandako parte-hartze handia nabarmendu du Tapiak. Berrogeita lau erakunde publikok eta pribatuk parte hartu dutela azaldu du eta beraz gobernuarena bakarrik ez dela plana, herriarena baizik.

bideoaren irudia
Bere bizkarra babestu eta Goikoetxearen gain utzi ditu ardurak Barcinak

2014-02-26

Negar zotinka defendatu zuen Yolanda Barcina Nafarroako lehendakariak Lourdes Goikoetxearen izen ona. Hala ere, bere bizkarra ondo babestu eta Nievesek salatutako erabakien ardura Goikoetxearen gain utzi du Barcinak, honek legea errespetatuz jardun duela esan arren. Bere burua defendatu eta dena ukatzeaz gain, agerraldia trabatu du Nafarroako lehendakariak, eta, haren ustez, ez dago zentsura mozioa aurkezteko arrazoirik. Ostiralean aurkeztuko dituzte parlamentuko taldeek azken erabakiak.

bideoaren irudia
Gipuzkoak aurrekontu parte-hartzaileak burutuko ditu lau eskualdetan

2014-02-26

Iaz Urola Erdian egin ostean, Gipuzkoako Foru Aldundiak Tolosaldea, Bidasoaldea eta Oarsoaldeara zabaldu du "Herritarrekin" ekimena. Aurrekontu parte-hartzaile hauei esker, eskualde bakoitzean herritarrek erabakiko dute 500.000 euro zein proiektutan inbertitu. Martxoan hasi eta urrira bitarte iraungo du prozesuak.