Skip to main content
bannerra

Bideoteka

Bideotekan bilatu
bideoaren irudia
Sindikatuek Osakidetzako oposizioak salatu dituzte EAEko auzitegian

2018-06-20

LAB eta ESK sindikatuek Osakidetzako oposizioetan egin beharreko azterketan izandako irregulartasunak aztertzeko eskatu diote Euskal Autonomia Erkidegoko Justizia Auzitegi Nagusiari. Espezialitaterako lau azterketa gelditu ostean, gutxienez hamabi azterketetan filtrazioak frogatzen dituzten dokumentuak eskaini dituzte bi elkarteek.


Sindikatuetako ordezkariek gertaera oso larritzat jo dute eta ikerketaren beharra azpimarratu dute sortutako arazoen ardura norbaitek har dezan. Horregatik, Osakidetzako zuzendari den Maria Jesus Mujikaren eta Jon Darpon Osasun sailburuaren dimisioa eskatu dute, irregulartasunak zeudela ukatu eta informazioa ezkutatzen saiatzeagatik. Azterketak suspenditzeaz gain, Enplegu Eskaintza Publikorako eredu aldaketa ere aldarrikatu dute sindikatuek.


Sortutako zalantzen aurrean, oposizioetan parte hartu dutenek bermeak izango dituztela ziurtatu du Darponek. Soilik lau epaimahai geldiarazi dituztela eta gainontzekoek egoki funtzionatu dutela baieztatu du, azterketetan parte hartu dutenek lanpostua lortzeko aukera izango dutela azpimarratuz. Osasun sailburuaren arabera, ekainaren bukaeran edo uztailaren hasieran plazaratuko dira ikerketen emaitzak.


Aurtengoan 73.297 partaideek eman dute izena eta %80ak ostiralean hasi eta igandean bukatutako azterketak egin dituzte. Partaideen artean, emakume gehiago egon dira, soilik lautik bat izan baita gizonezkoa. Oposiziogile gehienak zelari, erizain, erizaintzako zaintzaile eta administrazioko lantzaile postua lortzeko frogetan parte hartu dute.
Azterketa hauen helburua azken urteetan libre geratu diren lanpostuak betez langile taldea gaztetzea eta kalitatezko zerbitzuak eskaintzea dela baieztatu du Osakidetzak.

bideoaren irudia
Geroa Baik ez du babestuko erlijio ikasgaiaren orduak murriztea

2018-06-19

Geroa Baik ez du babestuko Nafarroako hezkuntzak erlijio ikasgaiaren orduak gutxitzeko proposamena. Hala adierazi zuen atzokoan alderdiko bozeramaileak. EH Bilduko Adolfo Araizek salatu du Foru Gobernua ez dela betetzen ari legealdiaren hasieran hartutako konpromisoa. Koldo Martinezek azaldu du iritziz aldatu direla, orain ez delako unerik egokiena hori egiteko, bere hitzetan.

 

bideoaren irudia
Elkartasunak gainezka egin du Altsasukoen aldeko manifestazioan

2018-06-18

Elkartasunak gainezka egin zuen larunbatean Altsasuko Gurasoek deitutako manifestazioan. Antolatzaileen arabera, 80.000 pertsonatik gora izan ziren Iruñeko kaleetan Altsasuko auzian ematen ari den injustizia salatzeko eta gazteak aska ditzaten eskatzeko. Iruñeko Udala, Foru Gobernua eta Nafarroako 50 eragile sozial, kultural, sindikal eta politikok babestu egin zuten mobilizazioa.

 

bideoaren irudia
Eusko Jaurlaritza prest dago Pedro Sanchezi espetxe politika aldatzen laguntzeko

2018-06-19

ETA desegin ondoren, espetxe politika aldatzeko asmoa baduela iragarri du Pedro Sanchez Espainiako Gobernuko presidenteak. Presidente denetik eskainitako lehen elkarrizketan esan du hori, baina ez du zehaztu zer egingo duen. Eusko Jaurlaritzak ontzat jo ditu Sanchezen hitzak eta beren esku dagoena egiteko prest daudela esan du Josu Erkorekak.

bideoaren irudia
Sanchezek espetxe politikaz egindako hitzak ontzat jo dituzte euskal alderdiek

2018-06-19

Eusko Jaurlaritzak begi onez ikusi ditu Sanchezen hitzak. Josu Erkoreka bozeramaileak esan du salbuespenezko legedia bertan behera uzteko garaia heldu dela, eta Jaurlaritza prest dagoela laguntzeko Sanchezek iragarritako urratsak lehenbailehen egin daitezen.

Maddalen Iriarte EH Bilduko bozeramailearen hitzetan, hitzak baino, ekintzak baloratuko ditu koalizio abertzaleak. Hori bai, argi utzi du legedi arrunta ezarrita presoen egoera hobetzeko aukerak badaudela, eta Sanchezek Emmanuel Macron Frantziako presidentearekin duen bilkuran espetxe politikaz hitz egiteko aukera baliatu beharko lukeela.

bideoaren irudia
Presorik gabeko sanferminak aldarrikatu ditu Kalera Kalerak

2018-06-15

Kalera Kalera dinamikak manifestazioa deitu du Iruñean uztailaren 4ean, asteazkenarekin, ‘Bada garaia. Sanfermines sin presas ni presos’ lelopean. Euskal Herrian aro politiko berri bat ireki dela adierazi du Ikerne Indakoetxeak eta salatu du Espainiar Estatuak euskal preso politikoei inposatzen dien salbuespena mendeku eta ahulezi politikoa baino ez dela.