Skip to main content

Bideoteka

bideoaren irudia
Hamaikakoa | Ligako geldialdia baliatu dugu hausnarketa egiteko

2014-10-14

Lehen Mailan ez da jardunaldirik izan joan den asteburuan, eta geldialdia baliatu dugu Hamaikakoa saioan orain artekoaren hausnarketa eta analisia egiteko. Jose Luis Artetxe, Lutxo Iturrino eta Xabier Isasa izan ditugu mahainguruan, kazetari gehiagoren iritziak ere jaso ditugu bideoan, eta jokalarien adierazpenak entzun ditugu.

bideoaren irudia
Larraitz Ugarte: "Kutxaren etorkizunaz eztabaidatzen ez bada, neurri juridikoak hartuko ditugu"

2014-10-13

Gurean Gaur Elkarrizketa saioan, Larraitz Ugarte Gipuzkoako Foru Aldundiko bozeramailearekin izan gara. Kutxaren etorkizunaz aritu gara berarekin eta Gipuzkoako Foru Aldundiaren proposamenaren berri eman digu. Zalantza guztien gainetik, aldundiaren proposamena bideragarria eta legezkoa dela argi utzi du.

bideoaren irudia
5ak askatu. Politika askatu

2014-10-11

Milaka lagun bildu dira Elgoibarren Bateragune auziko bost zigortuen askatasuna eskatzeko. Euren senideekin izan gara eta baita hainbat eragilerekin ere.

bideoaren irudia
Grebalariak Aske: elkartasun eguna

2014-10-11

Urriaren 11a hautatu dute Urtzi Martinez eta Jon Telletxea grebalariek jendaurrean agertzeko. Urriaren 2tik ezkutuan izan dira eta Bilboko Deustu auzoan agertu ziren, beraien omenez antolaturiko elkartasun Aske Gunean. Bi urte eta erdiko kartzela zigorra ezarri diete, 2012ko martxoaren 29ko greba orokorrean pintaketak egiteagatik. Deustuko gunean, jendearen babesa jaso zuten. Ordea, arratsaldeko lehen orduan Ertzaintzak atxilotu zituen gazteak, hainbat saiakera egin ondoren.

bideoaren irudia
Dokuteka | "Grebalariak Aske": greba eskubidea aldarrikatuz

2014-10-11

Greba eskubidea Konstituzioak jasotzen duen eskubidea da, langile orok duen eskubidea. Honen bidez eta definizioz pertsona edo talde batek presio soziala egiteko asmoz ekintza bat edo batzuk egiteari uzten dio, honen bidez helburu bat lortzeko asmoz. Azken urteetan 6 greba orokor izan dira. Gaur 2012ko martxoaren 29ko Greba orokorrean jarriko dugu fokoa. Egun horretan Bilbon gertatutako istilu batzuetan parte hartu izana leporatuta Bilboko Auzitegiak Deustuko bi gazte bi urteko eta erdiko kartzela zigorrera kondenatu zituen. Zigorra betetzeko kartzelara sartzear dauela auzi hau salazten duen Greabalariak aske Dokumentala izango dugu hizpide.
 

bideoaren irudia
Jon Telletxea eta Urtzi Martinez grebalariak atxilotu dituzte

2014-10-11

Bilboko Deustu auzoan agertu ondoren, Urtzi Martinez eta Jon Telletxea grebalariak atxilotu zituen Ertzaintzak. Elkartasun Aske Gunean sekulako babesa izan zuten bi zigortuek, baina ertzainek lortu zuten bi gaztea atxilotzea. Bi urte eta erdiko zigorra ezarri diete 2012ko martxoaren 29ko greba orokorrean pintaketak egiteagatik.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ