Skip to main content
bannerra

Bideoteka

Bideotekan bilatu
bideoaren irudia
"Astra iluntzeak" ekimena formatu akustikoan

2014-07-16

Era akustikoan musikaz gozatzeko aukera eskaintzen du Gernikako Astra iluntzeak izeneko ekimenak. Bertan, estilo ezberdinetako musika taldeak taularatzen dira asteazkenero. Udako iluntzeez gozatzeko aukera ezin hobea da.

bideoaren irudia
Bittor Kapanagaren omenez kantari ezagunak batu dira Otxandion

2014-07-16

Bittor Kapanaga "Otxandioko aztia" zenaren omenez, kantaldi-bertsoaldia egin zuten Otxandion. Berak idatzitako letrei musika jarri zioten kantariak bildu ziren bertan, batez ere. Hala nola, Gontzal Mendibil, Niko Etxart, Josu Zabala, Patxi Villamor, Txomin Bengoa eta Xeberri. Kapanaga ezagutu zuten bertsolariak ere bertan izan ziren: Xabier Amuriza, Unai Iturriaga eta Igor Elortza.

bideoaren irudia
Arrieta, bisitatu beharreko herri nekazaria

2014-07-15

Sollube magalean dagoen herri nekazaria da Arrieta, Mungiatik gertu dagoena. Hainbat GR ibilbidek zeharkatzen dute herria, Urdaibai Bihosferako eremuetatik ere pasatzen direnak. Asko dira bere basoak gurutzatzen dituzten bidaiariak.

bideoaren irudia
Udakoak | Aisia eta kultura bat eginda!

2014-07-15

Udakoak saioaren atal berri honetan, aisia eta kultura batzeko aukera izan dugu. Eako Poesia Egunak ospatu zituzten asteburuan. Paraje ederrean kokaturiko Bizkaiko herrian poesia eta musika uztartu zituzten. Otxandion, berriz, omenaldi sentitua eskaini zioten Bittor Kapanaga euskaltzale eta aztiari. Gernikan, asteazkeneko "Astra iluntzeak" kontzertu akustikoak egiten ari dira, eta bertara hurbildu gara. Eta bukatzeko, Smaap egitasmoa ezagutu dugu, delta hegala eta parapentea gustuko dutenentzako interesgarria.

bideoaren irudia
Udako Ikastaroak | Euskal zinemagileen hiru belaunaldi

2014-07-15

Euskal Herriko zinemari begira jarri gara hirugarren atalean. "Euskal Zinema: zinemagileen hiru belaunaldi" ikastaroan hainbat sortzaile eta aditurekin egin dugu topo. Besteak beste, Josu Martinez zinegilearekin, Iratxe Fresneda EHUko irakasle eta adituarekin, Maialen Beloki Donostiako Zinemaldiko kidearekin eta Patxi Azpillaga EHUko irakaslearekin hitz egin dugu.

bideoaren irudia
Manu Chao-k Euskal Herria abordatu zuen

2014-07-11

'Edozer Dugu Posible' eguna antolatu zuten Donostiako Piratek, eta jendetza bildu zuten Zurriola inguruan egun osoan zehar. Hala ere, jende gehien bildu zuena Manu Chao-ren kontzertua izan zen, antolatzaileen esanetan 55.000 herritar izan ziren bertan.