Skip to main content
bannerra

Bideoteka

Bideotekan bilatu
bideoaren irudia
GUREAN GAUR: Estatuak itzuli beharreko diruaren inguruko eztabaida egingo du laukoak Nafarroan

2018-01-10

Lauko alderdiek eta Nafarroako Gobernuak aste honetan lan batzordea sortuko dute estatuak itzuli behar dituen 215 milioi euroen inbertsioaz eztabaidatzeko. Izan ere, ia hiru urteko atzerapenarekin baina Hitzarmen ekonomikoaren akordioa erdietsi zuten bi Gobernuek abenduaren bukaeran.  2015etik 2019ra bitarteko ekarpenaren kalkuluaren hitzarmen berriaren arabera, Nafarroak ordaindu beharreko kopurua jaitsi eginen da.

bideoaren irudia
Gasteizek lotuko ditu 'Euskal Y'-a eta Nafarroako AHTren bidea

2018-01-09

'Euskal Y'-a eta Abiadura Handiko Trenaren Nafarroako bidea Gasteiztik lotuko dituzte. Hori, "alternatiba ekonomikoagoa omen da, ez duelako mendilerrorik zeharkatzen, eta 5 kilometroko tunela besterik ez duelako, Iñigo de la Serna Espainiako Sustapen ministroaren esanetan. Iruñean eta Gasteizen izan da de la Serna. Iruñean, Manu Aierdi Nafarroako Garapen Ekonomikoko lehendakariordearekin eta Arantza Tapia Eusko Jaurlaritzako Ekonomia Garapenerako sailburuarekin egin du bilkura. Bitartean, elkarretaratzea egin dute kanpoaldean, AHTa inposaketa dela salatu eta tren sozialagoa aldarrikatzeko.

bideoaren irudia
GUREAN GAUR: Abiatu da "De Miguel" auziko epaiketa

2018-01-09

26 auzipetu, gehienak EAJko kide ohiak, tartean, auziari izena ematen dion Alfredo de Miguel, Arabako Tokiko Administrazioetarako diputatu ohia. 11 delitu leporatu dizkiete auzipetuei: besteak beste, prebarikazioa, eroskeria, dirua zuritzea, funts publikoak bidegabe erabiltzea, lehiaketa publikoetan prezioak eraldatzea eta agiri publikoak faltsutzea. 15,5 milioi eurotara iristen dira ikertzen ari diren operazioak.

bideoaren irudia
GUREAN GAUR: Elurtearen ondoren, oposizioaren kritikei irmo erantzun die Maria Solanak

2018-01-09

Nafarroako errepide sare nagusiko bide guztiak zabalik bazeuden ere, Maria Solana Nafarroako Gobernuko bozeramaileak aurre egin nahi izan die gaur UPN eta PSNk egindako kritikei asteburuan izandako elurtearen harira. Oposizioak, zehazki, urreko egunetan ezarritako abisu gorriaren aurrean, aurreikuspen falta leporatu dio Gobernuari; Solanak erantzun die Gobernuak eskura zituen nerri guztiak modu koordinatuan hartu zituela. Altsasuko herriak erakutsitako lan erabakigarria ere txalotu dute alderdi guztiek goizean.

bideoaren irudia
GUREAN GAUR: Instalazio berriak ireki ditu Elias Querejeta Zine Eskolak

2018-01-09

Ireki dute izen emate epea eta maiatzaren 31ra arte luzatuko da. Guztira 45 ikaslerentzako tokia izango du eta matrikularen prezioa 3.500 eurokoa izango da. Artxiboa, komisariotza eta sorkuntza izango dira eskolako hiru ikasketa lerroak eta zinegileak prestatzea izango dute helburu.

bideoaren irudia
GUREAN GAUR: Feminismoa, alfonbra gorriaren lehen lerrora sexu jazarpena salatzeko

2018-01-09

Alfonbra gorria baino, jantzi beltza izan zen atzo protagonista Urrezko globoen 75. Jaialdian. Times up lelopean emakumezko aktoreek salatutako jazarpena lehen lerrora ekarri zuten atzo Hollywoodeko hainbat izarrek. Ohorezko saria jaso zuen Oprah Winfrey telebista aurkezleak ohartarazi zuen, urte luzez munduan agindu duten gizon anker eta boteretsuen garaia bukatu dela. #TimesUp#GoldenGlobes