Azken hilabeteetan, jendartean bolo-bolo ari dira hedatzen zurrumurru eta diskurtso faxista, arrazista eta xenofoboak. Justizia soziala, askatasuna eta aniztasuna oinarri hartuz diskurtso horiei aurre egiteko lanean ari da hamaika kolektibo, mezu horiek guztiek dianan jartzen dituzten herritarren babesleku eta aterpe izateko xedez. Kolektibo horietako kideekin osatuko dugu Aterpea saio berria, bazterretako herritarren problematikak eta errealitatea ezagutuz, diskurtso horietako arrakalak agerian uzteko.

Martxoaren 12an hasita, asteazkenero 21:30ean, Aterpea saioa ikusgai Hamaika Telebistan, hamaika.eus eta sare sozial guztietan.