Irailaren 19an abiatuko da MusikaZuzenean TB saioaren denboraldi berria. Honakoa zortzigarren denboraldia izango da, eta aurtengorako ere gauza ederrak prestatzen ari gara Euskal Herriko entsegu lokaletako soinu banda izateko asmoz.

Ostegunero, Hamaika Telebistan ikusteko aukera izango da gaueko 22:00etatik aurrera. Sarean berriz, www.hamaika.eus atari digitalean, eta sare sozialetan ikusgai izango da ere.

Asier Arroita Zaporeak elkarteko boluntarioak hiru aste igaro ditu Lesbosen, elkarte horrek bertan duen sukaldean prestatutako "duintasun platerak" errefuxiatuei banatzen. Emozio handiko hiru aste horietan gertutik bizi izan du Greziako irla horretara iristen diren milaka pertsona migratzaileren bizimodua, baita horien egunerokoa xamurtzen saiatzen diren boluntarioen egunerokoa ere. 

Ostiralean, 22:00etan, dokumentalaren estreinaldia izango da Hamaika Telebistan, eta larunbatean eta igandean ere ikusi ahal izango da, ordu berean, Hamaikan. 

Añube, Elizabeltz, Karter, Nick Linbött, Olatz Salvador, Skabidean eta The whaler taldeen bideoklip berrienak emitituko ditugu aste honetako saioan.

Ostiralean, larunbatean eta igandean, 16:30ean, Hamaika Telebistan.

Oier Sanjurjo Osasuna futbol klubeko kapitaina izan da hainbat urtetan, eta ohitua dago herritarrek kapitaina oihuak entzuten. Eta halere, “konfiantza gabeko momentuak” bizi izan ditu goi mailako kirolean. Ardura, zalantzak, meritua…

Lizarrako txikiak ez zekien zer izanen zen handitan baina gauza bat egiten zuen: futbolean jolastu. Eta jolastu izan du, 530 partida zehazki, horietatik 356 Iruñeko taldearekin. Egun, futbolari ohia da Sanjurjo, erretiroa hartu baitu, baina futbolaz gozatzen jarraitzen du familiarekin, bere iritziz, “baloi baita jostailurik politena".

Saioa asteartean, 22:00etan, Hamaika Telebistan, hamaika.eus eta Youtuben.

Amaia Izko abokatua ezaguna da, besteak beste, euskal presoen alorrean egin duen lanarengatik. Haur ausarta zen, eta gaztetan egindako bidaiek eragina izan zuten munduari begiratzeko moduan. Abokatutzaren bidez, euskal presoen ahots bihurtu zen, tortura eta errepresioak salatuz. Horren ondorioak bere gorputzean ere jasan behar izan zituen, eta jopuntuan hartu zuen Espainiako Audientzia Nazionalak.

Tortura eta Altsasuko auzia bere gogorrenak izan direla dio, ikusi zuelako Estatua zer "birrintzeko gai den". Sistema judizialean ez du konfiantzarik, baina aldi berean uste du bere lanarekin gauza asko lor daitezkeela.

Larunbatean, 21:00etan, saioa ikusgai Hamaika Telebistan, hamaika.eus webgunean eta sare sozialetan.

Gurpilak Sutan saioa estreinatuko dugu datorren asteazkenean Hamaika Telebistan. Nafarroan barrena, bertako toki, monumentu eta paisaia esanguratsuak ezagutuko ditugu Ekhi Atorrasgastirekin bizikleta soinean hartuta. Lehen saioan, Lizarraldea zeharkatuko dugu Viana hiri monumentaletik abiatuta, eta artzainekin, olibondozainarekin eta inguru biztanleekin berriketan ere egingo dugu inguruak ezagutuz.

Asteazkenean, 22:00etan, saioa ikusgai Hamaika Telebistan, hamaika.eus eta sare sozialetan.

Jende umila eta langile familian jaio zen Jose Mari Esparza. Borrokan igaro du bizitza guztia, eta nemoria historikoa izan da bere "trintxera". Bere bizitzaren errepasoa egingo digu saio honetan, eta beren lagun on baten esker mezua ere jasoko du.

Asteartean, 22:00etan, saioa ikusgai Hamaika Telebistan, hamaika.eus en, Youtuben eta spotifyen.

Bizi Musika euskal taldeen bideoklip berrienez osatutako saioa bueltan da Hamaikan. Aste honetako saioan, Bengo, Karam, Kuartz, Nuria Culla, RTZ, Txakurrak eta Txiltxoko x La Txama izango dira aste honetako saioko protagonistak.

Ostiralean, larunbatean eta igandena, 16:30ean, Hamaika Telebistan eta www.hamaika.eus webgunean.