Sektore publiko guztia grebara deituta dago urriaren 25ean Araban, Bizkaian eta Gipuzkoan. Guztira, 150.000 langile ingur. Urkulluk sindikatu deitzaileen aurka egin du, “populistak” direla esanez, eta enpresa pribatuen papera goraipatu du.Lehendakariaren ustez “hauteskunde interesak” daude mobilizazio horien atzean. Bingen Zupiriak EAE "hondamendia eta erabateko kaosa" dela ikustarazteko "tematuta" dauden diskurtsoak gaitzetsi ditu. ELAk “errealitatetik kanpo” egotea eta “patronalaren diskurtso erreakzionarioa zabaltzea” leporatu dio. Bere ustez, Urkulluk "nahiago du erregearekin, Ana Botinekin edo Feijoorekin eseri, sektore publikoko langileekin baino".