Skip to main content

30 urteko langile bat hil da Amezketako paper lantegian

Ekonomia

2024, abu. 30 - 11:08
Amezketako Aralar paper lantegian duela lau egun larri zauritu zen langilea ostegun honetan hil da. Mantenu lanak egiten ari zen 30 urteko gizona zen eta azpikontratatua zegoen. Istripua jazo eta lau egun beranduago hil da.

Heriotzaren berri jakin ostean, lan-uztea deitu du enpresa batzordeak, osteguneko 14:00etan hasi eta ostiraleko 14:00ak arte luzatuko dena. Ostiral honetan 11:00etan bildu dira enpresaren egoitzaren atarian elkartaratzea egiteko. 38 dira jada urte hasieratik Euskal Herrian hildako langileak, LABek egindako zenbaketaren arabera.