Pentsiodunek gaur abiatuko dute barau-itxialdia, 1.080 euroko gutxieneko pentsioa berehala ezartzea exigitzeko. Hego Euskal Herriko Pentsiodunek beste urrats bat emango dute. Itxialdia eta baraua egingo du mugimenduak Bilbon gaurtik martxoaren 18ra, eta egunero protestak eta hitzaldiak egingo dituzte. Eusko Jaurlaritzari eta Nafarroako Gobernuari eskatuko diete gutxieneko pentsioak berehala 1.080 euroraino osatzeko. Martxoaren 18an, gainera, manifestazioa egingo dute.