Laudioko Autoglas enpresaren Enplegu Erregulaziorako Espedientearen prozesua berrabiarazi da, 6 hilabetez etenik egon eta gero. Prozesua urrian gelditu zuen Gasteizko merkataritza epaitegiak. Falta zen enpresaren salerosketari dokumentazioa aurkezteko 10 eguneko epea eman zien orduan epaileak Guardian eta Parter Capital taldeetako hainbat sozietateri. Aitzitik, dokumentazioa apirilera arte ez dute aurkeztu, prozesua etenik mantenduz. Orain, behin agiriak jasota, epaileak Autoglaseko kaleratze kolektiboaren prozesua berrabiarazi duela iragarri du ELA sindikatuak.