BECeko sei pabiloiak ezinbesteko hitzordua dira astelehenetik ostiralera arte fabrikazio aurreratuaren azken berrikuntza teknologikoak ezagutu nahi dituztenentzat.
Makina Erremintaren Nazioarteko 32. biurtekoak (BIEMH) 29 herrialdetako 1.558 enpresa erakusketari biltzen ditu BECen. Guztira, 3.595 produktu eta zerbitzu erakusten dituzte, horietatik 1.910 makinak eta 105 robotak.
Iñigo Urkullu Eusko Jaurlaritzako lehendakariak eman dio hasiera ekitaldiari. Azpimarratu du Eusko Jaurlaritzaren konpromisoa dela "inbertsio, berrikuntza, prestakuntza edo nazioartekotze prozesuak babesten jarraitzea, sektore osoari lehiakortasuna irabazten ari baitzaizkio".