Bizkaiko Foru Aldundiak enpresen, erakundeen eta profesionalen 300 ordezkari baino gehiago bildu ditu BECen, gizarteari “Bizkaia with Talent” foru-estrategia aurkezteko. Estrategia honen baitan, jada lurraldeak dituen talentu-erronkei aurre egiteko 20 lankidetza-proiektu sustatzen ari dira, 42 erakunde sustatzaileren eskutik.
Bertan, Elixabete Etxanobe Bizkaiko Ahaldun Nagusiak iragarri du Bizkaiko Foru Aldundiak 10 milioi euroko konpromisoa hartu duela STEM talentua garatu, erakarri eta fidelizatzeko asmoz.