Confebaskek, Isabel Busto presidente dela, "soldata moderatzea" eskatu du, eta "errenta orekatuen itunak" ahalbidetuko dituzten akordioak lortzeko eskatu die sindikatuei. Patronalak murriztu egin ditu hazkunde-aurreikuspenak, eta kritikatu egin du sindikatuen arteko gatazka, "zama erantsia" dela uste baitu.

Gainera, EAEn 2022rako hazkunde ekonomikoaren aurreikuspenak jaitsi ditu, orain % 3,5 eta % 4 arteko igoera aurreikusten baitu, iazko abenduan ekitaldi honetarako ekonomia % 5,9 handitzea aurreikusten zuen arren.

Isabel Busto presidente berriak "ziurgabetasun erradikala" eta "iraunkorra" duen agertoki ekonomiko bat marraztu du, Ukrainako gerra eta energiaren eta prezioen krisia direla eta. Egoera horretan, enpresentzako kostuak handitzea eta enpresa-marjinak murriztea "mehatxu larria" dira produkzio-sarearentzat.

Bustok nabarmendu gaur egungoaren gisako egoera zailetan enpresek, erakunde publikoek eta langileek egin behar dituztela ahaleginak. Beharginei esan die egokitu egin beharko luketela erosteko ahalmenetik "ezer ere" ez galtzeko "eskaera historikoa", eta ulertu behar dutela "soldata moderazioa" ezinbestekoa dela oraintxe.