Eustat-ek plazaratutako azken datuen arabera, aurtengo bigarren hiruhilekoan, ekonomiak %1,8ko igoera izan du Euskal Autonomia Erkidegoan pasaden urteko bigarren hiruhilekoarekin alderatuta. Lurraldeka, Arabako Barne Produktu Gordina urte arteko % 1,4 hazi zen; Bizkaian eta Gipuzkoan, berriz, % 1,9. Enpleguak ere, lanaldi osoko lanpostuak kontuan hartuta, hazkunde positiboa izan du 18.318 lanpostu sortuz. Urte arteko %1,9ko igoera, hain zuzen. Igoera hau zerbitzuen sektorearen bilakaera onari esker izan da, batez ere. Bigarren hiruhilekoan sektore guztietan hazkundea egon bada ere, zerbitzuen sektorean %2,3ko gorakada eta lehen sektorearen %2,8koa dira aipagarrienak. Bestalde, Industriak % 0,4ko igoera izan zuen bakarrik baina proportzio berean jaitsi zen aurreko hiruhilekoarekin alderatuta. EAEko igoera ekonomikoa Espainiako Estatuko ekonomia osorako zenbatetsitakoaren azpitik dago, baina Eurogunekoaren eta Europar Batasun osoaren gainetik.