Osakidetzak azpikontratatutako garbitzaileek astebeteko greba hasi dute astelehen honetan, LAB, UGT, CCOO eta ESK sindikatuek deituta, Osasun Zerbitzuko langileen lan-baldintzak homologatzea eskatzeko. Lehen egunean, Gurutzetako Ospitalean istiluak izan dira LAB sindikatuak jakitera eman duenez.

LAB sindikatuak jakinarazi duenez, bi langile atxilotu eta beste lau identifikatu dituzte. Gainera, grebalari bat ospitaleko larrialdietara eraman behar izan dute.

Langileek bost urte daramatzate lan hitzarmenik gabe LAB, UGT, CCOO eta ESK sindikatu deitzaileen arabera. Gutxi gorabehera, 2.500 langile daude grebara deituta.