Gasteizko Mercedes lantegiak ekoizpena geldituko du berriz urriaren 11n eta 18an ekoizpena eskariari egokitzeko. Era berean, irailaren 6an eta 20an etenaldiak iragarrita zituzten aurretik.  Mikel Díaz de Alda LABeko enpresa-batzordeko kideak azaldu duenez, maiatzean sinatutako malgutasun-akordioaren barruan daude geldialdi horiek. Gaineratu dute urritik aurrera eten ditzaketen lau ekoizpen-egun eta bi txanda geratzen zaizkiela.