Helburutzat dute 2030erako isurketak % 45 murriztea, 2005. urtearekin alderatuta. Dena den, 2045erako neutraltasun energetikoa eta ekologikoa lortu nahi du Gipuzkoak, isurketak % 90 murriztera heldu nahirik. Deskarbonizazio-plan sektorialak, enpresentzako autodiagnostiko-tresna bat eta laguntza-zerbitzu pertsonalizatua dira programa berriaren barruan abian jarriko diren ekimenetako batzuk, bai eta enpresei deskarbonizazio-prozesuan finantza-laguntza emateko dirulaguntzen lerro bat ere.