Bizkaiko zahar etxeetako langileek adierazi dute borrokan jarraituko dutela sektoreko hiru patronalek eta Bizkaiko Foru Aldundiak hitzarmenean oinarrizko gaiak bermatu arte. Langileen greba amaitzekoa zen asteazken honetan, baina asanbladan aho batez erabaki dute greba luzatzea; maiatzaren 10etik 25era eginen dute.

LABek eta CCOOk ere greba deitu dute. Maiatzaren 15etik 20ra deitu ditu lanuzteak LABek, eta maiatzaren 22tik 24ra eta ekainaren 12tik 16ra CCOOk.