Arabako ibaien mantentze lanez arduratzen diren langileek hilabeteko grebari ekin diote, Mediterraneoko Ibaiak enpresaren etengabeko ez-betetzeek eragindako egoera jasanezina dela salatzeko asmoarekin. Mediterraneoko Ibaiak aldi baterako enpresa elkartearen 11 langileek, Uraren Euskal Agentzia publikoak azpikontratatzen duen enpresaren plantilla, hain zuzen, Arabako ibaiak ahalik eta baldintza onenetan egoteaz arduratzen dira, uholdeak ekiditea helburu duten lanak. ELA sindikatuak salatu duenez, langileen lan baldintzak prekarioak dira, lan arriskutsuak egiten dituztelarik kasu batzuetan mila 500 eurotik beherako soldatengatik. Prekarizazioak lan istripuen gorakada suposatu duela baieztatu dute.