Ekonomia eta energia krisiaren aurrean, Eusko Jaurlaritzak kurtso politiko berriari ekin dio ohi bezala Miramar Jauregian. Lau adar aztertu dituzte bertan: zerbitzu publikoen egoera, egoera sozio-ekonomikoa, energia krisia eta autogobernua. Testuinguru horretan, Eusko Jaurlaritzak jada ohartarazi du familia ahulenentzako laguntza berriak eskainiko dituela ezegonkortasun energetikoaren aurrean. Bien bitartean, Europako Batzordea irailaren 9an bilduko da energiaren merkatua konpontzeko xedearekin.