Euskal Herrian horren garrantzitsua den makina-erreminten azoka bueltan da Barakaldoko Bilbao Exhibition Centren. Bi urtez pandemia dela-eta bertan behera geratu ondoren ekin dio jarduerari berriro bienalak. Edizio berriak 28 herrialdetako 1.400 erakusketari baino gehiago eta 3.400 makina, produktu, zerbitzu eta berrikuntza baino gehiago izango ditu. Lehendakariak ziurtatu du makina-erreminta euskal industriaren ADNaren parte dela.