Foru Gobernuak eta alderdi abertzaleak aurrekontuen ituna sinatu dute goiz honetan Nafarroako Parlamentuan, Iruñean.  Legegintzaldiaren laugarren eta azken kontu orokorrak dira honakoak eta EH Bilduren abstentzioari esker ahalbidetuko dira. Proiektuaren hitzaurrean irakurri daitekeenez, COVID-19a eta Ukrainako gerraren ondorioak direla eta, premiazko neurriak hartu dituzte alderdiek. Osasungintza, hezkuntza eta euskarari zuzendutako diru sail berriak hitzartu dituzte. 

Arlo fiskalean, zerga sistemaren auzian desadostasunak izan badituzte ere, akordioak lortu dituzte azken orduan. Aurreikuspenen arabera, abenduaren amaieran proiektua aurrera aterako dela bermatu du Gobernuak. Hala azaldu dute Unai Hualdek, Nafarroako Parlamentuko lehendakaria, eta Elma Saizek, Nafarroako Gobernuko bozeramaileak.