Sindikatu Medikoak bere estrategia aldatu du eta, kontraeskaintza berri batean, esklusibotasunaren amaieraren eta aurrekontu-aldaketaren eskakizuna alde batera utzi du. Gai horiek greba amaitu bezain laster aztertzea proposatzen du sindikatuak. Nafarroako Gobernuak eutsi egin dio urtarrilaren 30eko aurreakordio zirriborroan proposatu zuen eskaintzari: alegia, hilean 400 euroko soldata igoera mediku guztientzat

Bestalde, Osasun Departamentuak bilera egin du gaur otsailaren 15erako greba deialdia egina duten beste sindikatuekin. Proposamenak idatziz helarazi dizkiete elkarri, eta hitzartu dute datorren astelehenean berriz elkartuko direla, eskaintzak eta proposamenak aztertzeko.