Ez denez akordiorik egon Eusko Jaurlaritzako mahai orokorreko bileran, sindikatuek eutsi egin diete hilaren 25erako eta abenduaren 19rako sektore publikoan deituriko greba deialdiei. ELA, LAB, CCOO, Steilas, SATSE eta ESK sindikatuek kritikatu dute Jaurlaritzak entzungor egin izana haien eskariei. Jaurlaritzak ez duela inolako edukirik eskaini eta Espainiako Gobernuak ezarritako "mugak" erabili dituela argudio modura.