Mahai Orokorreko sindikatuek (LAB, AFAPNA, CCOO, ELA eta UGT) gogor kritikatu dute gobernuak sindikatuetako ordezkariekin izan duen jarrera, Estatutu berriaren negoziazioan ezarri duen blokeoa adibide gisa aipatuz. Gai horiek eztabaidatzeko Gobernuak Mahai Orokorrean parte har dezan lortzeko hainbat saiakera huts egin ondoren, sindikatuek apirilaren 9rako greba deitzea erabaki dute, eta langile publiko guztiak grebaren alde egitera gonbidatu dituzte.