75 urte baino gehiago egin behar da atzera palestinarren aurkako jazarpena, zapalkuntza eta okupazioren hasiera ulertzeko. 1948tik 6.000.000 palestinar errefuxiatu eragin dituzte Israelen erasoek.

Gaza infernu bat bilakatuta zegoen 2006tik Israelek jarritako blokeoa medio. 2023ko urriaren 7an, Hamasek eraso olde bat egin zuen Israelen lurraldean. 1.200 pertsona hil, 14.970 zauritu eta 252 bahitu zituen.1 8:00ak aldera iritsi zen Israelen erantzuna. Gerra egoera deklaratu, eta aurrekaririk ez duen operazio militar bat abiatu zuen palestinarren kontra. Urtebeteko epean 42.000 pertsona hil eta 97.000 zauritu ditu. Gainera, 10.000 herritar desagertuta daude hondakinen artean. 

Gaza erabat suntsitu du Israelek, eta nazioartea ez da egoera horri aurre egiteko gai izan. Erasoak Ekialde Hurbilera zabaltzen ari dira; palestinarren mugetatik harago bete-betean jo ditu Zisjordania eta Libano ere.