Aramaio, Legutio, Eskoriatza eta Leintz-Gatzagan parke eoliko berri bat eraikitzeko baimena eskatu du Green Capital Power enpresak. ‘Jarindo’ izena jaso du proiektuak eta Araba eta Gipuzkoaren arteko mugan 4 aerosorgailuren instalazioa aurreikusten du. Enpresak egindako aldez aurretiko administrazio-baimenaren eskaera jasotzen da EAEko Agintaritzaren Aldizkarian. Eskakizun hau argitara ematen da orain, lehia posible baten ondorioetarako. Iragarpenarekin 20 eguneko epea abiatzen da, parke eoliko hori ezarri eta ustiatzeko interesa dutenek lehia-eskabidea aurkeztu dezaten.