Euskaltzaleen Topaguneak hasiera berri bat irudikatu du; aurrerantzean, ‘Taupa euskaltzaleen mugimendua’ izango da. Aktibismoaren egungo joerak aintzat hartuz, egiteko molde eta antolatzeko modu berri batzuei bide emango die mugimendu berrituak. Komunitategintzan indarra jarriz, euskararen aldeko konplizitateak orain arte baino esparru gehiagotara zabaldu nahi ditu Taupa mugimenduak.