Asteburuan 16 hondartza itxi dituzte Lapurdin uraren kalitateak ez zuelako segurtasunez bainatzea ahalbidetzen. Izan ere, Biarritzen itsas belar toxiko mikroskopiko bat aurkitu dute, ostreopsia. Ukituz gero, azkura eta larruazaleko erupzioak eragin ditzake eta gripearen antzeko sintomak eragiten ditu arnastuz gero. Ortaz, bainua debekatuta egon da.

Marmokak ere badabiltza kostaldean. Donostian, adibidez, Guardia Zibilaren itsas zerbitzuek zazpi karabela jaso zituzten ostiralean.

Bizkaian, berriz, bederatzi hondartzatan topatu dituzte marmokak eta Arrigunagako hondartza itxi behar izan dute.