Gaurkoan Gladys Del Estal dakarkigu gogora. 1979ko ekainaren 3an, Tuteran guardia zibil batek hil zuen ekintzaile ekologista energia nuklearraren aurkako ekitaldi batean. Gaur 43 urte bete dira. Eguzkik eta Gladys Gogoan kolektiboak oroimen ekitaldia antolatu dute Donostian. Bestalde, urtero bezala, Tuteran omenaldi bat egingo da eta, bestetik, Gladysi buruzko liburu bat aurkeztuko da Donostiako Informatika Fakultatean.