Gasteizko bizilagunek hiria hobetzeko proposamenak helarazi ahal dituzte urriaren 23a eta azaroaren 26a bitartean. Udalak 3 milioi euroko aurrekontua bideratuko du bozka gehien jasotzen dituzten proiektuak aurrera eramateko 2024-2025 urteetan. Bideragarriak eta interes orokorrekoak diren proposamenen zerrenda otsailean argitaratuko da eta horien artean zeintzuk burutuko diren erabakitzeko bozketa otsaila eta martxoan egingo da.