Jorge Bermudez fiskalak, 2021eko urtarrilean Aizarnazabalen labankadaz hil zuten Aintzane Pujanaren heriotzaren auzian akusazioa egiten ari denak, krimen hori egin duen emakumearentzat espetxealdi iraunkor berrikusgarriaren eskaera erretiratzeko aukera planteatu du ostegun honetan.

Fiskalak akusatutako emakumearen inputazio-maila aldatzeko aukera justifikatu du, joan den asteartean inputatuak nortasunaren mugako nahasmendua duela egiaztatzeko epaiketan agertu zen psikiatraren deklarazioaren ondorioz. Tesi hori berriro bermatu zuen atzo psikologo batek, Gipuzkoako Foru Aldundiak auzipetuari %78ko desgaitasuna eman ziola azalduz.

Hasiera batean ostiral honetarako aurreikusita zegoen behin betiko ondorioen izapidea, baina azkenean datorren astelehenera arte atzeratu daiteke.

Errenteriakoak dira bi akusatuak, emakume bat eta gizon bat, eta 23 eta 24 urte zituzten orduan, hurrenez hurren. Orduan egindako ikerketaren arabera, labankadaz hil zuten Pujana, urtarrilaren 2ko goizaldean izandako liskar gogor batean. Gorpua, baina, hilaren 4an agertu zen, Aizarnazabalgo Etxabe auzoan. Hortaz, Pujana legez kanpo atxiki, sexualki esplotatu eta hil izana leporatzen diete biei. Azpeitiko Instrukzio Epaitegiak behin-behineko espetxeratzea ebatzi zuen bi akusatuendako, 2020ko urtarrilaren 15ean.