Errepublika aske eta burujabea ardatz, Amaiurraldia antolatu du Nafarroa Berriz Altxak ekainaren 5erako. Joseba Compains Nafarroa Berriz Altxa ekimeneko kideak azaldu duenez, egitarau oparoa dago antolatuta. Nafarroako eta Euskal Herri osoko herritarrek burujabetzarako beharra dutela aldarrikatzen dute, eta horretarako, iraganera begira jarri dira etorkizunari bide emateko. Amaiurraldia "oroitzapenerako eta aldarrikapenerako" eguna izango dela dio, baina "gaurkotasun handikoa".