Arartekoak 2024ko martxoaren 14an Martuteneko institutu zaharrean egindako polizia-operazioa kritikatu du. Urte batzuk daramatza hutsik institutua eta etxerik gabeko berrogeita hamar pertsona inguru zeuden bertan. Operazioa Donostiako Udaltzaingoak gidatu zuen, Ertzaintzarekin eta Espainiako Poliziarekin elkarlanean. 56 pertsona identifikatu zituzten guztira. Horietako 29 Espainiako Poliziaren esku utzi zituzten, atzerritartasun-izapideak betetzeko.