Otsail amaierako prezipitazio handien ondorioz, lur-jausi handia izan zen Azkoitia eta Urretxu lotzen dituen bidegorrian, Aizpurutxo auzoaren parean. Horren ondorioz, Gipuzkoako Foru Aldundiko Jasangarritasun Departamentuak bertatik igarotzen den bizikleta bidea edota bidegorria berehala ixtea erabaki zuen, egonkortze eta konponketa lanak amaitu arte. Bidegorriak dagoeneko hiru hilabete bete ditu itxita, baina oraindik lanak hasi gabe daude, obra prestatzen ari direlako.