Neska eta Blusa beteranoei omenaldia eginez hasi da azkenaurreko Gasteizko Andre Maria Zuriaren jaien jardunaldia. Meza zendutako beteranoei omenaldia egiteko bideratu da, hauen artean Txomin Cantero, Andra Maria Zuriaren egunean lore eskaintza egin eta gero zendu zen 'Los Bainas'-eko presidente-ohia. Hiriko jaien hainbat agertokietan azken eginkizunak egingo dira ostegun honetan, hala nola Aihotz eta Foruen plazetan. Nahiz eta jaien amaiera gertu dagoen, hainbat dira oraindik programatuta dauden jarduerak. Goizeko ekimenen artean 'Meneito Veterano' dantza lehiaketa topa daiteke; Duo Arkhe izango da Luis Aranburu Musika eskolan eta Peru Abarrategi, Oihane Perea, Xabat Illaregi y Aissa Intxaustiren bertso saioa Aiotz plazan.
Arratsaldean, Zarata Selektion eta Markes Izaizozen kontzertuak izango dira Falerina lorategian. Prado parkeko Umore Txokoak Aroa Berrospe eta Coria Castillo izango ditu jardunaldi honetan. Gauean, amaitzeko, Tatta & Denso, Benizze eta Chill Mafiak joko dute Txosnetan 21:00etatik aurrera. Ahiotz plazan Kalakan taldearen kontzertua izango da 23:00etan. Zetak izango da Foru plazako kontzertuen egitarauari amaiera emango diona, gaueko 00:00etatik aurrera, hain zuzen