Erabakia salatzeko elkarretaratzea antolatu du Seaskak apirilaren 5ean Baionan. Azterketak euskaraz egiteko eskubidea eta isunak kendu daitezen aldarrikatzeko, bertaratzeko deia luzatu die irakasle guztiei.

2022ko Brebetako frogetan, irakasle multzo batek, Seaskaren deiari erantzunez, desobedientzia egin zuen, azterketak osoki euskaraz ez zirenez horien zuzenketa errefusatuz. Horren ondorioz, Hezkuntza Akademiak egun bakoitzeko soldataren %30 kenduko ziela jakinarazi zien.