Urtero gai bat ardatz hartuta osatzen da Iparra Hegoa kultur astearen egitarua, aurtengoan kantua da gidalerroa. Astelehenetik asteartera Urruñako ikasleak Seguran izango dira, ostegunetik aurrera, berriz, Baionako Etxepare Lizeoko ikasleak. Astelehenetik igandera bitartean hitzaldiak, bertso afaria, festa eta gehiago izango da, eta ohi bezala, Euskal Herriko herrialdeen arteko lotura sinbolizatzen duen Gereziondoko Ekitaldiarekin amaituko dute astea.