Milioiak eta milioiak, urtero aurrekontuetan AHTren obretara bideratzen diren kopuruak. 16 urte igaro dira obrei ekin zitzaienetik eta handitzen joan da AHTan erakundeek ezarritako dirua. Hasieran, Arabako, Bizkaiko eta Gipuzkoako zatia egiteko 4.200 milioi euroko aurrekontua jarri zuten. Gaur-gaurkoz baina, ez dago garbi zenbat diru gastatu den dagoeneko. Baina hiru herrialdeetako zatiak aintzat hartuz, 5.000 milioi euro, behintzat, gastatu dituzte.