Abenduaren 2tik ari dira zerbitzuburuak Donostia Ospitaleko atarian elkarretaratzeak egiten, gertatutako bi kargugabetzeak eragindako haserrearen ondorioz. Osakidetzako zuzendaritzak hartutako beste hainbat erabakiren gaineko desadostasuna berretsi dute geroztik, astearte honetan bertan, berritu egin dute protesta. Ondoren jakinarazi dute, ordea, ez dutela elkarretaratze gehiagorik egingo ostiral arte. “Itxaropenerako bidea” ematen duten keinuak atzeman dituztela adierazi du Adolfo Lopez de Muniain eledunak.