Donostialdeko alkateak mahai berean eseri dira etxegabetasunari erantzuteko estrategia bateratu baten bila. Donostiako alkate Jon Insaustik deitu ditu Astigarraga, Errenteria, Hernani, Lasarte-Oria, Orio, Pasaia eta Usurbilgo alkateak. Helburua udalerri bakoitzaren errealitatea ezagutzea da, eta, eskualde mailan, etxegabetasunari aurre egiteko bide komunak bilatzea. Bilera giro onean egin dela azaldu dute udal iturriek.