Aurretik Voxekin egin bezala, PPren eskaerak aintzat hartuta baliogabetu ditu artikuluak. Agiriak euskara hutsean sortzea ahalbidetzen zuten arau horiek; horrekin, dokumentu oro elebiduna izan beharko da. Zehazki, 18.1, 18.2 eta 33. 5 dekretuaren artikuluetan eragiten du epai horrek. Eudelek uste du ebazpena “toki-autonomiaren aurkakoa dela eta hizkuntza-arloko udal-eskumenen garapen osoa mugatzen duela”. Oldarraldi judizialaren aurrean, Euskalgintzaren Kontseiluak deituta, manifestazioa izango da azaroaren 4an, Bilbon.