Urtero bezala, Ekologistak Martxan-ek bi bandera beltz ematen ditu Bizkaian eta Gipuzkoan, kutsadura eta itsasertzaren kudeaketa txarra salatzeko.

Bizkaiko Bandera Beltza, kutsaduragatik, Bilboko Superportuari ematen zaio, handitzeko plan berriagatik. Plan horrek A3 eta A4 kaiak zabaltzea aurreikusten du, Santurtzi eta Zierbena artean. Erakunde ekologistak salatu duenez, proiektu honek Eusko Jaurlaritzaren eta Gobernu zentralaren babesa eta finantzaketa du, eta Nerbioiko badiaren «gehiegizko erabilera» legitimatzea leporatzen die.Portu hori Petronorrek Muskizen duen findegiarekin zuzenean lotuta dago.

Kudeaketa txarragatik, Urdaibaiko Guggenheim Museoaren proiektuak jaso du baldera beltza, biosferaren erreserban duen eraginagatik. Erakundeak ekimena bultzatzea leporatu die EAJri, Eusko Jaurlaritzari eta Imanol Pradales lehendakariari, gizartearen oposizioa eta arrisku ekologikoak gorabehera.

Gipuzkoari dagokionez, kutsaduragatiko bandera beltza «kostaldetik 3,6 miliara, Getariako portuaren ipar-ekialdean, jarri den makroetxaldearentzatda,.Ekologistak Martxan beldur da, gainera, instalazio horren atzetik beste batzuk etorriko ote diren datozen urteetan, horrela kostaldeko itsas ingurunearen kutsadura eta degradazioa areagotuz. Arrautzetatik atunak hazten dituzten mota horretako beste instalazio batzuetan ez bezala, makroetxalde horrek Kantauri itsasoan harrapatutako atun biziak gizenduko ditu ekainean eta uztailean, gizendu ondoren urrian hiltzeko.

Bigarren bandera beltzari dagokionez, talde ekologistak Txingudiko badiako ondare naturalaren kudeaketa txarra kritikatu du, Bidasoa ibaiaren bokalean dago eta bertan dago Gipuzkoako HBBE bakarra (Hegaztiak Babesteko Eremu Berezi bakarra ). oso puntu berezia da Pirinioetako mendebaldeko muturreko hegaztien migrazio-prozesuetan. 2015-2026 aldirako Plan Zuzentzaile batean jasotako premiazko lehentasunen diagnostikoa eta azterketa egin bazen ere, 2025erako, esan daiteke “premiazko” jarduera horiek paper bustian geratu direla.