2024ko Berdintasunerako Emakunde Saria diskriminazioa ikustarazten duten bi elkartek jaso dute. Alde batetik, AMUGEk, EAEko Emakume Ijitoak Sustatzeko eta Ahalduntzeko elkartea. Bestetik, INME, Emakume Musulmanak Euskal Gizartean Integratzeko elkartea. Miren Elgarresta, Emakundeko zuzendariak, astelehen honetan iragarri du hautaketa. Kolektibo hauek bizi dituzten diskriminazio mota anitzak eta hauek artatzeko egindako lana baloratu du. Bi elkarteek “erakunde publikoek izan behar duten ikuspegi intersekzionalari erantzuten diote”, azaldu du Elgarrestak.