Indarkeria matxistagatik salatutako aita ikusi nahi ez zuen alaba baten ama gipuzkoarra babestu du Espainiako Auzitegi Konstituzionalak.

Bikotea banandu ostean aitak alaba ikusteko bisitak antolatu zituzten, baina umeak bisitak bertan behera uzteko eskatu zuen. Indarkeria arloko epaitegiaren arabera, dibortzio-epaiak amari alaba elkargune batera eramateko betebehar pertsonalik ezartzen ez bazion ere, lankidetza jarrera eskatzen zion, eta Gipuzkoako Probintzia Auzitegiak eta Donostiako Emakumearen Kontrako Indarkeriaren Epaitegiak ezarri zuten emakumea ez zela ari jarrera hori betetzen, amonak jarrera proaktiboa hartzen ez zuelako.