27 nekazarik jaso dute Suhiltzaileen Zerbitzuak emandako formakuntza. Nekazari guztiak boluntarioak dira eta udalerri guztietan zehar banatuko dira. Basoko suteak gertatuz gero, taldeak jardungo du eta euren makinak suteak itzaltzearen eta prebenitzearen zerbitzura jarri dituzte. Planarekin batera, landatar ingurunean suteak ekiditeko sentsibilizazio-kanpaina jarri dute abian.