Gehitu elkarteak salatu egin du Gurutzetako Ospitaleko Genero Nortasunaren Unitatean trans eta ez-bitarren kolektiboari ematen zaion "tratamendu bortitza". Kritikatu dute unitate horretan artatzen diren "pertsona guztiak" behartuta daudela psikiatriako ataletik pasatzera, hormonak hartu edo sexu-aldaketako ebakuntzak bezalako prozesuak egin nahi badituzte. Elkarteak adierazi du artatzen dituen psikiatrak argudiatzen duela gazteen artean "trans moda bat" dagoela.