Zenbait pertsonaren hezurrak aurkitu dituzte Zornotzako hilerrian, ostiralean egindako zundaketa bati esker. Gogora Institutuak Aranzadi Zientzia Elkartearekin duen Gerra Zibileko desagertuak bilatzeko programaren parte da egindako esku-hartzea.

1936ko gerrako hiru edo lau borrokalari izan daitezkeela uste da. Gudariak frontean hil zirela, eta ondoren han lurperatu zituztela. Hala ere, ikerketa atariko fasean dagoela azpimarratu du Gogorak.